پشتگیریی له‌ زیندانییانی سیاسی کوردستان له‌ مانگرتنه‌که‌یاندا بکه‌ن

به‌یانیی ڕۆژی 03-03-2010 زیندانییانی سیاسی کوردستان ، له‌ به‌ر نوسینگه‌ی پارله‌مانی کوردستاندا له‌ سلێمانیی ، ده‌ستیان به‌ مانگرتن کرد و تا ئێستاش هه‌ر به‌رده‌وامن.
ڕۆژانه‌ سه‌دان که‌سایه‌تی کۆمه‌ڵایه‌تی ، سیاسی و ڕۆشنبیران و له‌ چین و توێژه‌ هه‌مه‌جۆره‌کانی خه‌ڵک ، به‌شداریی مانگرتنه‌که‌ ئه‌که‌ن و پشتگیریی خۆیان بۆ مافه‌ ڕه‌واکانی زیندانییانی سیاسی ده‌رئه‌بڕن. ئه‌و مافانه‌ی که‌ پارله‌مانی عێراق دوو ساڵ زیادتره‌ بۆ سه‌رجه‌می زینادانییانی سیاسی سه‌رده‌می ڕژێمی به‌عسی دابینکردووه‌ ، به‌ڵام ده‌سه‌ڵاتدارانی کوردستان ، به‌ بیانووی هه‌مه‌جۆره‌وه‌ ، ئه‌و مافانه‌یان زه‌وتکردووه‌ و بۆ خۆیان ئه‌یخۆن!
شایانی باسه‌ که‌ سه‌رۆکی لیستی گۆڕان له‌ پارله‌مانی کوردستاندا ، له‌گه‌ڵ کۆمه‌ڵێک له‌ پارله‌مانتارانی ئه‌و لیسته‌ ، سه‌ردانی زیندانییه‌ سیاسییه‌ مانگرتووه‌کان کرد و هاوپشتیی خۆیان بۆ داوا ڕه‌واکانیان ده‌ربڕی.
هه‌روه‌ها عومه‌ری سه‌ید عه‌لی ، دکتۆر مه‌حمود عوسمان و قادر عه‌زیز و ده‌یان که‌سایه‌تی سیاسی تر ، تا ئێستا مانگرتووه‌کانیان به‌سه‌رکردووه‌ته‌وه‌ و پشتگیریی خۆیان ده‌ربڕیوه‌.
ئه‌وه‌ له‌ کاتێکدا که‌ دوو ساڵه‌ ده‌سته‌ی داکۆکیی له‌ مافه‌کانی زیندانییانی سیاسی کوردستان ، ده‌یان یاداشت و داواکاریی له‌و ڕووه‌وه‌ داوه‌ به‌ سه‌رجه‌می داموده‌زگاکانی ده‌سه‌ڵاتدارانی کوردستان ، به‌ڵام تا ئێستا ، هیچ ئه‌نجامێکی نه‌بووه‌ و بێده‌نگیی ده‌سه‌ڵاتداران هه‌ر وه‌ک ئه‌وه‌یه‌ که‌ بڵێن جه‌ماوه‌ری خه‌ڵکی کوردستان خه‌باتی دژی به‌عس نه‌کردووه‌ و به‌عس که‌سی له‌ کوردستاندا له‌سه‌ر کوردایه‌تی و سیاسه‌ت نه‌گرتووه‌ و نه‌کوشتووه‌!
هه‌ر له‌و ڕووه‌وه‌ ، ئه‌مڕۆ ده‌سته‌ی داکۆکیی له‌ مافه‌کانی زیندانییانی سیاسی کوردستان ، بۆ جارێکی تر یاداشتنامه‌یه‌کی تریان ئاڕاسته‌ی ده‌سه‌ڵاتداران کرده‌وه‌ و... یاداشته‌که‌

------- هه‌ر نوسراو و بابه‌تێک به‌ ناوی پارتی چه‌پی کوردستانه‌وه‌ نه‌بێت ، ته‌نیا ده‌ربڕی نوسه‌ر و خاوه‌نه‌که‌یه‌تی --------