ئاگاداریی

 ڕۆژی دووشه‌ممه‌ 17ی نۆڤه‌مبه‌ر ، شاندێکی باڵای پارتی چه‌پی سوید ، به‌ سه‌رۆکایه‌تی سه‌رۆکی پارته‌که‌ ، لارش ئۆهلی و چه‌ند ئه‌ندامێکی تری سه‌رکردایه‌تی پارته‌که‌یان ، سه‌ردانی کوردستان ئه‌که‌ن.

له‌م سه‌ردانه‌یاندا ئه‌یانه‌وێت له‌ نزیکه‌وه‌ ئاگاداری گۆڕانکارییه‌کانی کوردستان ببن ، له‌به‌رئه‌وه‌ له‌ به‌رنامه‌یاندایه‌ که‌ له‌گه‌ڵ ئه‌وه‌دا چاویان به‌ نوێنه‌رانی ده‌سه‌ڵات له‌ هه‌ردوو به‌ڕێوه‌به‌رایه‌تییه‌که‌ ئه‌که‌وێت، چاویشیان به‌ نوێنه‌رانی هێزه‌ به‌رهه‌ڵستکاره‌کانی کوردستانیش بکه‌وێت. هه‌روه‌ها ڕێکخراوه‌کانی ئافره‌تان و نوێنه‌رانی مه‌سیحییه‌کان و که‌مینه‌کان.

هه‌روه‌ها سه‌ردانی هه‌ڵه‌بجه‌ و گه‌رمیان و شوێنه‌واره‌کانی ئه‌نفاله‌کان ئه‌که‌ن و هه‌ندێک له‌ ئۆردوگاکانی په‌نابه‌ران ، ناوه‌نده‌ هه‌مه‌جۆره‌کان و به‌ندییخانه‌ی لاوان و زانکۆ و چاویشیان به‌ خوێندکارانی زانکۆکان ئه‌که‌وێت.

به‌رنامه‌ی سه‌ردانه‌‌که‌ی پارتی چه‌پی سوید زۆر چڕ و پڕه‌ ، به‌ڵام به‌داخه‌وه‌ ماوه‌که‌یان که‌مه‌ و ڕۆژی 23 ی مانگ ئه‌گه‌ڕێنه‌وه‌.

پارتی چه‌پی سوید یه‌کێکه‌ له‌و پارته‌ چه‌پ و پێشکه‌وتنخوازانه‌ی ئه‌وروپا که‌ زۆر سه‌رسه‌ختانه‌ پشتگیریی و داکۆکیی له‌ گه‌لی کوردمان ئه‌کات له‌ هه‌موو پارچه‌کانی کوردستاندا. هه‌ر ئه‌مانیش بوون له‌ ناساندنی کێشه‌کانی گه‌له‌که‌ماندا و ناساندنی ئه‌نفاله‌کان به‌ پارله‌مانی سوید و ئه‌وروپا و دنیا و له‌ ناساندنیدا وه‌ک جینۆسایدی گه‌لی کورد ڕۆڵی سه‌ره‌کییان بینی.

هیوای سه‌رکه‌وتنیان بۆ ئه‌خوازین و شایانی هه‌موو ڕێزلێنانێکن.